Respublikada kasb-hunar ta’limini rivojlantirish Respublika Prezidenti tomonidan belgilangan ustuvor yo‘nalishlardan biridir. Ushbu yo‘nalishda to‘qimachilik sanoati Germaniya xalqaro hamkorlik jamiyati bilan birgalikda Germaniya tajribasi asosida mamlakatimizda dual ta’limni keng joriy etishga qaratilgan “O‘zbekiston kasb-hunar ta’limi tizimini isloh qilish va modernizatsiya qilish jarayonini qo‘llab-quvvatlash” loyihasini amalga oshirmoqda.
Ushbu loyiha doirasida Namangan shahrida Oliy ta’lim, fan va innovatsiyalar vazirligi hamda “O‘zto‘qimachiliksanoat” uyushmasi hamkorligida 15 va 16 mart kunlari mintaqaviy Ijtimoiy sheriklik forumi bo‘lib o‘tdi. U manfaatdor tomonlar, xususan, Oliy ta’lim fan va innovatsiyalar hamda Bandlik va qashshoqlikni qisqartirish vazirliklarning tegishli bo‘limlari, kasb-hunar ta’limi muassasalari o‘qituvchilari, to‘qimachilik va charm sanoati mutaxassislari va a’zolari, mahalliy hokimiyat organlari, shu jumladan kasb-hunar sohasidagi yoshlar o‘rtasida mahalliy muloqot va ijtimoiy sheriklik formatlarini yaratish va rivojlantirishga qaratilgan dual kasb-hunar ta’limini joriy etishga qaratilgan.
Forum davomida nemis mutaxassislari dual ta’lim tizimi, uni amalga oshirish vositalari va bunday kasb-hunar ta’limi natijalarini batafsil yoritib beradigan taqdimotlar o‘tkazdilar. Shuningdek, mutaxassislar va ta’lim sohasining mahalliy vakillari o‘rtasida yoshlar ishtirokini kengaytirish, mehnat migratsiyasi, to‘qimachilik sanoatiga “yashil” energiyani joriy etish bo‘yicha munozaralar bo‘lib o‘tdi. OXUS TVET Institute (OTI) tomonidan tashkil etilgan “Ko‘nikmalar orqali imkoniyatlarni kengaytirish” loyihasi ishtirokchilariga xodimlarning malakasini oshirish va to‘qimachilik sohasidagi bilimlarini kengaytirishni ko‘rsatuvchi kurslarni tugatganligi to‘g‘risida sertifikatlar topshirildi.
Shuningdek, Forumm doirasida tashkil etilgan Mehnat yarmarkasida tegishli tashkilotlar mutaxassislari qiziqqan yoshlarga sohaga doir kasblar, zarur ko‘nikmalar, ishlab chiqarishda ishchilar uchun yaratilgan shart-sharoitlar haqida batafsil ma’lumot berdi.
O‘ZTO‘QIMACHILIKSANOAT




