Rossiya Federatsiyasi Saxa Respublikasi (Yakutiya) Hukumati raisi Andrey Tarasenko boshchiligidagi delegatsiyasi “Uzbekistan Textile Expo 2021» to‘qimachilik va moda sanoati xalqaro ko‘rgazmasida ishtirok etish maqsadida yurtimizga 26 may kuni tashrif buyurdi va tashrif davomida vazirlik va davlat idoralari bilan qator uchrashuvlar bo‘lib o‘tishi rejalashtirilgan edi.
Bugun Delegatsiya vakillari xalqaro ko‘rgazma ochilish marosimida qatnashib, to‘qimachilik korxonalari bilan yaqindan tanishdi va mahalliy mahsulotlarga bo‘lgan qiziqishlarini bildirishdi.
Ayni damda «O‘zto‘qimachiliksanoati» uyushmasi binosida Saxa Respublikasi Hukumati raisi A.Tarasenko bilan uyushma raisi I.Xaydarov o‘rtasida uchrashuv bo‘lib o‘tmoqda.
Uchrashuvda yengil sanoat sohasida hamkorlikni rivojlantirish, xususan, Yakutiya korxonalari tomonidan O‘zbekistonda ishlab chiqilgan mato va ip-kalava mahsulotlarini sotib olishni tashkil etish masalalari ko‘rib chiqildi.
O‘ZTO‘QIMACHILIKSANOAT




