2023-yil 20-fevralda “Butunjahon ijtimoiy adolat kuni” munosabati bilan o‘tkazilgan anjuman davomi sifatida “O‘zto‘qimachiliksanoat” uyushmasida Xalqaro mehnat tashkiloti delegatsiyasi bilan uchrashuv bo‘lib o‘tdi. Uchrashuv O‘zbekistonda Better Work pilot dasturi doirasidagi keyingi ishlar bo‘yicha keyingi qadamlarni belgilashga xizmat qildi.
Muntazam oliy darajadagi ikki tomonlama aloqalar tufayli O‘zbekiston va Xalqaro mehnat tashkiloti (XMT) o‘rtasidagi sheriklik izchil rivojlanib, xalqaro ekspertlar bilan birgalikda ijtimoiy loyihalarni amalga oshirish sohada O‘zbekistonda xalqaro mehnat standartlari va normalariga muvofiqligi muayyan ijobiy natijalarga erishish imkonini berdi.
Yig‘ilishda XMT Bosh kotibi yordamchisi, XMTning Yevropa va Markaziy Osiyo bo‘yicha byurosi direktori Xaynts Koller O‘zbekiston Better Work-da ishtirok etayotgan davlatlar orasida birinchi bo‘lib, boshqalarga ham yetakchilik qilayotganini va kelajakda o‘zini, ayniqsa to‘qimachilik ishlab chiqarish sohasida ijtimoiy mas’uliyatli (socially responsible country – pathfinder) deb atash mumkinligini ta’kidladi.
Ayni paytda, O‘zbekiston Ish beruvchilar Konfederatsiyasi (O‘IBK) Mehnat vazirligi, Kasaba uyushmasi hamda respublikaning boshqa vazirlik va idoralari bilan hamkorlikda XMTning 149, 156, 183-sonli konventsiyalarini ratifikatsiya qilishga ko‘maklashish va milliy qonunchilikni ushbu konventsiyalar qoidalariga muvofiqlashtirish imkoniyatlarini o‘rganmoqda. Xususan, XMTning 102-sonli “Ijtimoiy ta’minotning minimal standartlari to‘g‘risida”gi konventsiyasini ratifikatsiya qilish bo‘yicha faol ishlar boshlandi.
Eslatib o‘tamiz, O‘zbekiston 2021-yilda GSP+ maqomini olish uchun inson huquqlari, mehnat huquqlari, atrof-muhitni muhofaza qilish va samarali boshqaruv bo‘yicha 27 ta fundamental xalqaro konventsiya, jumladan, XMT-ning yetti konventsiyasining tatbiq etilishi shart bo‘lgan.
O‘IBK XMT mutaxassisi Arno de Koster bilan hamkorlikda ishlab chiqilgan O‘zbekiston Respublikasi aholisini ijtimoiy himoya qilish Strategiyasini amalga oshirishda ish beruvchilarning ishtiroki bo‘yicha O‘IBK pozitsiyasini taqdim etdi, bunda ishtirok etishning teng muvozanatini saqlab qolgan holda, ish beruvchi, xodim va davlat subsidiyalari o‘rtasida ishsizlik bo‘yicha nafaqa fondini shakllantirish bo‘yicha majburiy tabaqalanishga e’tibor qaratildi.
O‘ZTO‘QIMACHILIKSANOAT




