Germaniya xalqaro hamkorlik jamiyati – GIZ O‘zbekistonda har sohada faol ishlar olib bormoqda. To‘qimachilik sohasi bilan chambarchas bog‘liq ta’lim yo‘nalishidagi “O‘zbekiston kasb-hunar ta’limi tizimidagi islohotlar va modernizatsiya jarayonlarini qo‘llab-quvvatlash” loyihasi shular qatoridan.
Uning doirasida Oliy ta’lim, fan va innovatsiyalar vazirligi, “O‘zto‘qimachiliksanoat” uyushmasi xodimlari, Toshkent va Namangan to‘qimachilik va yengil sanoat institutlari o‘qituvchilari hamda ekspertlaridan iborat delegatsiya uchun 14-21 aprel kunlari Germaniyaga o‘quv safari tashkil etildi.
Asosiy maqsad – O‘zbekistonda dual oliy ta’limni joriy etishda Germaniyaning ilg‘or tajribasini yanada yaqindan o‘rganish, mamlakatdagi dual ta’lim tizimi bilan tanishish hamda sohadagi mutaxassislar bilan tajriba almashish va loyiha bo‘yicha ishtirokchilar ko‘nikmalarni yanada mustahkamlashdan iboratdir.
Ishtirokchilar safar chog‘ida Germaniyaning turli hududlarida joylashgan Quyi Reyn amaliy fanlar universiteti, Dyusseldorfdagi Savdo-sanoat palatasi, Moda va dizayn akademiyasi, HTW 9 Muhandislik va iqtisodiyot oliy maktabiga tashrif buyurib, hududdagi ip yigiruv tsexlari va to‘qimachilik fabriklari faoliyati o‘rganishadi.
Dastur yakunidan so‘ng, ishtirokchilar Germaniyada olingan tajriba asosida dual oliy ta’limni O‘zbekiston sharoitida joriy etish bo‘yicha fikr-mulohazalari hamda takliflaridan iborat yakuniy hujjat tuziladi va hamkor tashkilotlarga taqdim etiladi.
uzts.uz veb-saytidagi ma’lumotlarni ko‘paytirish, nusxalash, tirajlash, tarqatish va boshqa tarzda foydalanish faqat uyushma veb-saytiga havola orqali amalga oshirilishi mumkin
O‘ZTO‘QIMACHILIKSANOAT




