Avval xabar berganimizdek, “O‘zto‘qimachiliksanoat” uyushmasi buyurtmasi bilan “Advantage Central Asia” xorijiy kompaniyasi o‘zbek paxtachiligi va to‘qimachilik salohiyatiga bag‘ishlangan hujjatli film va turkum videoroliklar olish ishlariga kirishdi.
Film ijodkorlari Buxoro viloyatiga ham tashrif buyurib, “VST Cluster” klasterida bo‘lishdi. Ular filmning asosiy qismi, ya’ni chigit ekishdan tortib, paxta xom ashyosi yetishtirish va undan tayyor mahsulot olishgacha bo‘lgan jarayonlarni o‘zida qamrab olgan bizning to‘qimachilik majmuamizda olishdi. Klaster usuliga asoslangan zanjirli ishlab chiqarish texnologiyasi xorijlik mehmonlarda katta taassurot qoldirdi.
Film rejissyori va texnik direktori Pyer Diksoning aytishicha, suratga olish jarayoni o‘n kun davom etadi.
O‘ZTO‘QIMACHILIKSANOAT










