“O‘zto‘qimachiliksanoat” uyushmasi boshchiligidagi delegatsiya Groz-Beckert Akademiyasi, Hochschule Albstadt-Sigmaringen Universiteti va ABA Ausbildungs-und Berufsförderungsstätte Albstadt Monomarkazi joylashgan Albshtadt shahrida bo‘lib turibdi.
Hochschule Albstadt-Sigmaringen Universiteti vakillari bilan uchrashuv chog‘ida Samo universitetida (Andijon) texnologlar tayyorlash, uning ta’lim tizimini takomillashtirish va dual ta’lim tizimini joriy etish to‘g‘risida Memorandum imzolandi. Shuningdek, Toshkent to‘qimachilik va yengil sanoat instituti, Namangan to‘qimachilik instituti ishtirokida talabalar almashinuvi dasturi yo‘lga qo‘yildi.
Sanoat korxonalari uchun zamonaviy texnologiyalar bo‘yicha bepul onlayn vebinarlar va treninglar tashkil etiladi. Shuningdek, 3D texnologiyalari asosida mutaxassislar tayyorlash uchun kasbiy ta’limni rivojlantirishga yordam beriladi.
Albstadt-Sigmaringen universiteti 1971 yilda mahalliy muhandislik kolleji negizida tashkil etilgan nemis universitetidir. U ilg‘or kompyuter fanlari kurslari va boshqaruv modullariga e’tibor qaratib, mintaqaning yuqori texnologiyali iqtisodiyotining muhim qismiga aylandi.
uzts.uz veb-saytidagi ma’lumotlarni ko‘paytirish, nusxalash, tirajlash, tarqatish va boshqa tarzda foydalanish faqat uyushma veb-saytiga havola orqali amalga oshirilishi mumkin
O‘ZTO‘QIMACHILIKSANOAT




